Hello Katabah!
[Edisi Bahasa Sunda]
Kamari, kuring maca-maca
humor Sunda di Internet. Aya dua banyolan (humor) nu lumayan matak hayang
seuri. Ieu yeu caritana ku kuring dipedar ku bahasa kuring sorangan:
DOKTER JEUNG PASIEN
Dokter: Karaos naon,
jang?
Derekdek weh pasien teh nyebutan
sagala kanyerina.
Dokter: Mangga calik di
dieu, urang suntik we nya?
Pasien: Ah, disuntik mah
alim Pak Dokter, engke batal puasana. Landongna we!
Dokter: Wios alim disuntik
mah atuh. Ieu landongna dileueut enjing-enjing hiji, saatos lohor hiji,
sateuacan magrib hiji.
Pasien: ….???
MOTOR JEUNG POLISI
Sakali mangsa Si Udin
boga urusan jeung polisi di jalan.
Polisi: Punten, wilujeng
siang, Pak!
Udin ngeureunkeun
motorna ka sisi jalan.
Udin: Aya naon, Pak?
Polisi: Serat-seratna
Pak!
Udin ngasongkeun SIM
jeung STNK.
Polisi: SIM ieu tos teu
berlaku. Janten Bapak ditilang.
Udin: Aduuuh…..!
Minggu hareupna Si Udin
make motor deui dilengkepan SIM anyar ngaliwat deui ka polisi.
Polisi: Punten, wilujeng
siang Pak!
Udin: Siang Pak. Ayeuna
mah SIM abdi tos anyar Pak!
Si Udin bari pede
nembongkeun SIM anyarna.
Polisi: Bapak tetep
keuna tilang!
Udin: Har, memangna
kunaon Pak? SIM-na palsu?
Polisi: Bapak nganggo
motor teu nganggo helm.
Udin ngarentes dina hatena:
“Aiiiih……! Duit deui, duit deui…!”
Kusabab tempat gawe Si
Udin memang ngaliwatan Polisi nu kamari, bari rada sieun kaluar duit pikeun
tilang deui, isukna Si Udin maksakeun ngaliwat deui ka jalan nu kamari manehna
ditilang.
Si Udin pede pisan
ngaliwat make helm mahal jeung mawa SIM.
Udin ngarentes: “Naha
polisi teu nitah eureun?”
Reg weh Si Udin Eureun
pas hareupeun polisi.
Udin: Pak ayeuna mah
lengkep. SIM aya, helm oge nu Standar Nasional.
Polisi seuri….. bari
ngomong dina hatena: “Dasar nu gelo…!”
Udin: Naha Bapak
kalahkah seuri?
Polisi: Motorna mana Pak
Udin…..?
|
"Boleh Konsultasi Masuk Jurusan Sistem Informasi via IG atau Tiktok."
|
|
Tips Skripsi Program Studi Sistem Informasi |
|
|
