Tulisan ini untuk sahabat Abah nun jauh di sana. Semoga selalu bahagia selamanya!
Kawit patepang ngalangkungan dunia maya, Akang ngaraos bingah sanes papadana. Sobat nu kapungkur kantos sauyun salembur sasakola sakelas sameja.
Tapi naha hate ayeuna asa ringrang nalika maos seratan salira. Nu kabayang, salira pohara gumbira sareng bebende hate nu ngalempereng koneng, lulumpatan sareng bati asih nu nuju lucu singbreketek seuseurian kalayan wajah tanpa beban.
Naha salira ngangken nyalira?
Kamana atuh anjeunna? Naha anjeunna parantos kumawantun ngaraheutkeun manah salira?
Akang teu nampi ati nyai dugi diciwit-ciwit. Akang teu rela manah sobat dicacag diwalang-walang ku si manehna.
Naha Akang kedah langsung tepung sareng anjeunna pikeun ngahijikeun tresna anjeun duaan?
Kanyaah Akang teu weleh kanggo salira. Sobat baheula moal rek pegat najan geus lila paanggang dugi ayeuna. Duh sobat nu geulis, nu bageur, nu pinter, nu soleh, Akang mung tiasa jajap pangdoa mugi salira teu aya nu milaraan ku saha-saha.
Mugi karingrang Akang teu aya dina nyatana.
Salam kadeudeuh nu pageuh; salam kanyaah ti Akang kanggo salira.
|
"Boleh Konsultasi Masuk Jurusan Sistem Informasi via IG atau Tiktok."
|
|
Tips Skripsi Program Studi Sistem Informasi |
|
|
No comments:
Post a Comment