Hello
Katabah!
Duhai
Nurhayati malati ati ti Cilaki, junjunan Akang, bentang mencrang Cidaun anu
kayungyun.
Sababaraha
dinten ayeuna, Akang remen muka pesbukan. Sanes bade eksis sapertos artis,
sanes bade nganti-nganti laik ti seuer jalmi. Akang mung hoyong terang, dupi
salira parantos masihan balasan.
Sadinten,
dua dinten, salira teu aya wartosna. Namung, kalangkang junjunan, Akang mah
terang. Duh kunaon atuh salira? Naha Akang lepat pesan? Naha Akang tos kirang
sopan ngintun pesan kamalinaan? Naha salira anteng ku kasibukan?
Hate
Akang ngarakacak. Boa salira bendu ka Akang. Leumpang asa ngoleang. Pikiran
kumalayang. Nganaha-nganaha, naon atuh nu tos ngaraheutkeun manah salira?
Akang
maksakeun ngintun pesan enggal sanaos inggis teu ditampi deui. Tapi namina ge
ieu ikhtiar, nya dicobi sakiat akal.
Muka Pesbuk
tos rada embung, sok sieun salira tos teu aya. Salira nebihan Akang, teu aya
hawar-hawarna.
“Duh
gusti, itu aya nu beureum, nyentil leutik angka hiji dina notifikasi. Sugan we
beja ti manehna.”
Akang
klik eta notikasi. Ana breh raray salira nu imut sareng geulisna ditambih
walerenannana.
Duh,
geulis junjunan Akang. Haturnuhun parantos kersa ngabales pesan ti Akang. Mugi
salira salawasna bagja sareng teu ilang tanpa karana ninggalkeun Akang nu nuju
melang.
Baca juga:
|
"Boleh Konsultasi Masuk Jurusan Sistem Informasi via IG atau Tiktok."
|
|
Tips Skripsi Program Studi Sistem Informasi |
|
|
No comments:
Post a Comment